Traust
Svanurinn er opinbert umhverfismerki Norðurlandanna
Svanurinn er eitt þekktasta og útbreiddasta umhverfismerkið á Norðurlöndunum þar sem 2000 leyfi fyrir notkun á merki Svansins hafa verið gefin út og 6000 vörur hafa verið Svansvottaðar. Nýlegar kannanir sýna að milli 75-97% fólks á Norðurlöndum þekkja Svaninn og að meðaltali 74% segjast bera mikið traust til merkisins.
Svansmerkið er leiðandi umhverfismerki í heiminum
Svanurinn fékk hæstu einkunn í alþjóðlegri rannsókn árið 2008, þar sem yfir 100 umhverfismerki voru metin. Merkið fékk meðal annars hrós fyrir nákvæmni og fagmennsku, umhverfislegar úrbætur og gegnsæi í viðmiðaþróun.
Vörumerkið hefur mjög sterka markaðsstöðu
Kannanir sýna að Svanurinn hefur mjög sterka markaðsstöðu. Svanurinn er meðal tíu sterkustu vörumerkjanna í Finnlandi skv. nýlegri könnun og verðmæti merkisins er talið vera um 85 milljónir evra. Rannsóknir á Norðurlöndum hafa þar að auki sýnt fram á að það er auðveldara að ná árangri með nýja vöru ef hún er Svansmerkt og neytendur hafa ekki jafn mikla verðmeðvitund gagnvart Svansmerktri vöru. Kostir þess að vera með Svansvottun ættu því að vera ótvíræðir.
