Starfsmannastefna

Unnið faglega að ráðningum í störf

Það er gert með vönduðum starfsauglýsingum, faglegri úrvinnslu umsókna, viðtölum og svarbréfum. Auk þess eru umsækjendur látnir vita ef tafir verða á ákvörðun um ráðningu.

Tekið vel á móti nýju starfsfólki

Starfsaðstaða og tækjabúnaður er tilbúinn áður en starfsfólk hefur störf og hverjum nýjum starfsmanni er úthlutað faglegum og félagslegum leiðbeinanda við upphaf starfs.

Lögð áhersla á að hver starfsmaður fái notið sín í starfi

Það er m.a. gert með árlegum starfsmannasamtölum, virkum starfslýsingum og skilvirkri verkaskiptingu.

Hvatt til starfsþróunar og endur- og símenntunar

Gerðar eru endurmenntunar- og fræðsluáætlanir sem m.a. eru unnar upp úr starfsmannasamtölum.

Leitast við að jafna vinnuálag

Það er gert með skilvirkri stjórnun sem felst í raunhæfri úthlutun verkefna og forgangsröðun þeirra.

Starfsfólki skapaður ákveðinn sveigjanleiki í vinnutíma til að viðhalda jafnvægi milli vinnu og einkalífs

Í starfsmannahandbók er greint frá mörkum sveigjanlegs vinnutíma hjá stofnuninni. Ekki er farið fram á óhóflega yfirvinnu starfsfólks.

Lögð áhersla á jafnrétti og er starfsfólki ekki mismunað á grundvelli kynferðis, trúarbragða, skoðana, þjóðernisuppruna, kynþáttar eða litarháttar

Í gildi við stofnunina verði virk og vel kynnt jafnréttisáætlun.

Einelti eða kynferðisleg áreitni ekki liðin

Hverjum starfsmanni á að vera ljóst hvert hægt er að leita verði hann fyrir eða var við einelti eða kynferðislegri áreitni í starfi.

Lagt kapp á heilnæmt vinnuumhverfi og vinnuaðstöðu sem hentar þeirri starfsemi sem stofnunin sinnir og þörfum starfsfólks

Það er m.a. gert með reglulegum vinnustaðaúttektum.

Hvatt til hreyfingar og heilbrigðs lífernis

Heimilt er að stunda líkamsrækt í hádegistímum auk þess sem stofnunin veitir sérstaka líkamsræktarstyrki.

Lögð áhersla á góðan starfsanda

Haldnir eru fastir viðburðir s.s. árshátíð og jólaboð og starfsmannafélag stofnunarinnar er styrkt reglulega.

Lögð áhersla á góð samskipti og miðlun upplýsinga

Öflug innri vefsíða, starfsmannafundir, stjórnendafundir, sviðsfundir og rekstrar- og/eða deildarfundir eru m.a. liðir í því að styrkja samskipti og miðlun upplýsinga.

Fráfarandi starfsfólk er kvatt með virktum

Hver starfsmaður er kvaddur sérstaklega og boðið upp á starfslokasamtal

TIL AÐ FYLGJA STARFSMANNASTEFNUNNI EFTIR VERÐUR AÐ AUKI

• Unnin stefnumiðuð starfsáætlun í starfsmannamálum
• Framkvæmd starfsánægjukönnun eigi sjaldnar en á tveggja ára fresti
• Framkvæmt stjórnendamat eigi sjaldnar en á tveggja ára fresti