Það er hlutverk framleiðenda, innflytjenda og eftirnotenda að flokka og merkja hættuleg efni og blöndur. Þeir sem flokka efni skulu tilkynna flokkunina til Efnastofnunar Evrópu (ECHA) sem heldur utan um tilkynntar flokkanir í gagnagrunni sem kallast flokkunar- og merkingaskrá (e. C&L Inventory) og hægt er að nálgast á vef ECHA.
Í sumum tilfellum er tekin ákvörðun af yfirvöldum um svokallaða samræmda flokkun fyrir efni og hún birt í töflu 3.1. í VI. viðauka við CLP. Slíkar samræmdar flokkanir eru einnig birtar í flokkunar- og merkingaskránni. Samræmd flokkun kemur einkum til fyrir efni sem valda krabbameini, stökkbreytingum eða eru skaðleg æxlun, efni sem eru öndunarfæranæmar (e. respiratory sensitisers) eða önnur efni sem sérstök ástæða þykir til að flokka með samræmdum hætti.
Efni skal hættuflokka í samræmi við samræmda flokkun sé hún fyrirliggjandi. Birgir þarf sjálfur að taka afstöðu til flokkunar efnisins hvað varðar hættuflokka sem ekki koma fram í samræmdu flokkuninni.
Sem fyrr segir er hægt að leita í flokkunar- og merkingaskránni á vef ECHA. Þægilegast er að leita í skránni eftir tilvísunarnúmerum (CAS eða EB/EC).
Til að nálgast íslensk heiti þeirra efna sem búið er að birta samræmda flokkun fyrir er hægt að fletta upp í þýðingum reglugerða ESB á vef EFTA. Samræmdum flokkunum er bætt við með breytingareglugerðum sem kallaðar eru aðlaganir að framförum í tækni og vísindum (e. adaptations to technical progress, ATP). Lista yfir slíkar reglugerðir með tenglum á þýðingar þeirra má finna hér að neðan.
Til að finna í hvaða reglugerð viðkomandi efni kemur fyrir er best að byrja á að fletta því upp í flokkunar- og merkingaskránni. Meðal upplýsinganna sem birtar eru um efnin í skránni er í hvaða reglugerð samræmd flokkun þeirra var birt og hvenær flokkunin var síðast uppfærð (sjá gulmerkt á myndinni hér að neðan).
Táknun í skránni |
CELEX nr. gerðar - tengill á þýðingu |
CLP00 |
32008R1272 |
ATP01 |
32009R0790 |
ATP02 |
32011R0286 |
ATP03 |
32012R0618 |
ATP04 |
32013R0487 |
ATP05 |
32013R0944 |
ATP06 |
32014R0605 |
ATP07 |
32015R1221 |
ATP08 |
32016R0918 |
ATP09 |
32016R1179 |
ATP10 |
32017R0776 |
ATP11 |
32018R0669 |
ATP12 |
32019R0521 |
ATP13 |
32018R1480 |
ATP14 |
32020R0217 |